Ако патот ве води во Пробиштип секој во околината ќе ви ги посочи „МакПчеларници“ како едни од најдобрите производители на мед, кои со години наназад ги добиваат првите награди за најдобар мед во земјава и регионот (2019г. златен медал на „Медена Тузла“, златен медал од Институтот за храна и науки за 2018 и 2019 година, и многу други). Најпознат е ливадскиот мед, а пчелите се одгледуваат во село Пишица, на тромеѓето меѓу Штип, Пробиштип и Кочани, на надморска височина од околу 350m. Освен мед, произведуваат и полен, перга, матичен млеч, пчелин восок, прополис, а одлгедуваат и пчелни нуклеуси- роеви и матици.